Deputetja e LSI-së dhe njëkohesisht kryetarja, Erisa Xhixho ka reaguar lidhur me skandalin në shkollën 9-vjeçare “22 Tetori” në Berat, ku një mësues i dënuar më parë për pedofili është rikthyer në shkollë duke dhënë sërish mësim.
Xhixho e cilësoi këtë rast skandaloz si provë që sistemi i përzgjedhjes së mësuesve është i korruptuar dhe kriminal, pasi krijon hapësirë për pedofilët që të kryejnë krime seksuale.
“Edhe një rast tjetër skandaloz që provon se sistemi i përzgjedhjes së mësuesve është jo vetëm korruptiv, por edhe kriminal, sepse krijon mundësi e shtigje që të dënuarit për krime seksuale dhe pedofili të emërohen në detyrën e shenjtë të mësuesit, në detyren fisnike të edukatorit.”
Xhixho theksoi se do të kërkojë nnjë interpelancë me ministren e Arsimit, Evis Kushi, pasi sipas saj dikush duhet të japë sqarime mbi këtë skandal. Ajo gjithashtu nënvizoi nevojën e një regjistri publik për pedofilët, pasi nëse do të ishte miratuar të tilla raste do evitoheshin.
“Do të kërkoj urgjent seancë pyetje- përgjigje me Ministren e Arsimit për të na sqaruar për këte situatë ku ndodhet sistemi arsimor sot. Nëse regjistri do të ishte miratuar me kohë sot Engjell Bregu nuk do të kishte më akses në mjedise ku ka femijë! Ky është skandal! Dikush duhet të japë sqarime dhe të nxjerrë përgjegjësit.”, shprehet Xhixho.
Prej disa ditësh në shkollën “22 Tetori” në Berat është emëruar mësues për lëndët e Fizikës dhe Informatikës 62-vjeçari, Ëngjëll Bregu, që rezulton të jetë dënuar për “pedofili” dhe “ngacmim seksual” të fëmijëve në vitin 2003. Kanë qenë pikërisht prindërit e fëmijëve ata që e kanë shprehur këtë shqetësim për mediat, duke kërkuar largimin e mësuesit nga shkolla, largim që është kërkuar prej tyre edhe drejtorisë së shkollës, e cila ka dalë me justifikimin se ai është emëruar nga DAR.
Discussion about this post