Një nga mbështetësit e ish-kryeministrit Sali Berisha në lëvizjen e tij, Belind Këlliçi ka reaguar pas skandalit me të dhënat private, përfshirë pagën që qytetarët marrin, qoftë në sektorin publik, apo në atë privat.
Ish-kreu i FRPD, shkruan se i gjithë sistemi është vendosur në funksion të patronazhimit socialist, ndërsa shton se kjo bëhet për të krijuar një klime terrori te qytetarët.
“Dinë kë ke votuar, kë mund të votosh, nga do anosh; të gjurmojnë votën, dinë ku punon dhe sa e ke rrogën. Tatimet, QKR, e-Albania, Shqipëria që duam, të gjitha në funksion të patronazhimit socialist. Përdorin të dhënat personale për të krijuar klimën e terrorit psikologjik se shteti të njeh me rrënjë e dhëmballë. Si qëmoti edhe tani, e njëjta mendësi kontrolluese diktatoriale. Pikërisht nga ai që do hapi Ballkanin me koka peshku. Si një pijanik tavolinash të fryra, që pasi i vishen sytë nga avujt e alkoolit, ia nis të diskutojë me pathos edhe për gjeopolitikën” shkruan ai.
Më herët, prokuroria e Tiranës ka nisur verifikim për databazën me të dhëna të qytetarëve të punësuar në sektorin privat dhe publik.
Discussion about this post