Ditën e djeshme u raportua se ka pasur një përleshje mes dy zyrtareve të FFK-së, Alba Morina dhe Maki Bajrami. Në lidhje me këtë, ka reaguar Morina duke i quajtur këto raportime si shpifje.
“Është e turpshme t’shpifet deri në këtë nivel Unë, asnjëherë në jetën time nuk kam pas përleshje fizike me as edhe një njeri, e as me kolegen time! Teksa ndeshja Kosova-Gjermania u17 ka qenë duke u zhvilluar në Prishtinë, unë dhe një pjesë e ekipit kemi qene fizikisht në Podujevë, duke punuar në një tjetër ndeshje, Sloveni – Austri. Te bashkangjitura i keni edhe fotografitë me orë e ditë! Dëshmi për t’ua demaskuar trillimet”, shkruan ajo.
Më herët, mediet kosovare raportuan se gazetaret, të cilat janë njëkohësisht zyrtare në Federatën e Futbollit në Kosovë, janë zënë me karrige pak para ndeshjes mes Kosovës U17 me Gjermaninë U17 te femrat, por që pas deklaratës së Morinës, lajmet bien poshtë.
Discussion about this post