Kryetari i Partisë Demokratike, Lulzim Basha ka mbajtur ditën e sotme një konferencë për shtyp vetëm pak momente pas konferencës së kryeministrit Rama, lidhur me skandalin e rrjedhjes së informacionit të të dhënave për rrogën e punonjësve në sektorin publik dhe privat në Shqipëri. Basha u shpreh se Rama nuk duhej të dilte sot dhe të kërkonte ndjesë, por të kërkonte dorëheqjen, ashtu siç do të ndodhte në çdo vend të botës. Sipas tij kjo është një skemë e patronazhimit për blerjen e votës.
“Janë marrë copa-copa apo si një e tërë, është konfirmim i skemës kriminale të krimit elektoral të krijmit të sistemit të ri të shtetit. Kjo është arsyeja pse ka dalë që t’i mbrojë publikisht. Është skandaloze, do ë ishte skandaloze po të kisgte ndodhur edhe para 12 vitesh. Është skandaloze sepse vjen pas skandaleve të tjera. E harruar serverin e Tatimeve. Kush përfundoi në burg për këtë? Askush. Rama sot duhet që të jepte dorëheqjen dhe pastaj të kërkonte ndjesë” tha Basha.
Sipas Bashës ky skandal konfirmon skemën kriminale elektorale dhe sistemin e patronazhistëve, ndaj kjo është arsyeja pse Rama i mbron.
“Skandali i rrjedhjes së të dhënave sa i takon të ardhura është konfirmim i skenës kriminale të krimit elektoral të ndërtimit të sistemit të ri të shtetit të sistemit të patronazhistëve. Rama e di këtë dhe kjo është arsyeja pse ka dalë t’i mbroj. Në një vend normal i pret ndjekja penale dhe dënimi me burg. Në veçanti ata që kanë ideuar skemën e vjedhjes së të dhënave dhe dalja e të dhënave të një numri të madh qytetarësh”, tha ai.
Discussion about this post