Në mbledhjen e sotme të Komisionit të Ligjeve, ka qenë i ftuar Komisioneri i Mbrojtjes së të Dhënave Personale, Besnik Dervishi i cili e konsideroi daljen e të dhënave personale si ngjarja më e rëndë që ka ndodhur gjatë 30 viteve e cila sipas tij ka cenuar jetën private të çdo qytetari.
Gjatë fjalës së tij, Dervishi tha se “Patronazhisti” ishte burimi kryesor i daljes së informacionit ndërsa theksoi se hetimet janë duke vazhduar për të zbardhur ngjarjen.
“Shkelja më e madhe është dalja e të dhënave personale, mungon infrastruktura për mbrojtjen e të dhënave. Zyra e komisionarit si më parë e ka filluar hetimin administrativ dua tu informoj jemi në proces të hetimit, kemi bashkëpunim me organet e Prokurorisë, pasi po zhvillohet edhe vendimi i lehtë të shkojmë përpara. Besoj duhet kohë e nevojshme për tu përmbyllur hetimi administrativ dhe ne do t’i vendosim në dispozicion gjetjet e fakteve. Duhet garantuar siguria e të dhënave që ofrohen nga shërbimet e ndryshme. Marrëveshja që u miratua në parlament shpresoj të jetë efektive që vlen për sigurinë kibernetike që gjithashtu mbron edhe të dhënat personale. Patronazhisti.com ishte burimi i informacionit. Që kur nisën hetimet u proceduan penalisht mbajtësit e domainit”, tha Dervishi.
Kujtojmë se skandali i të dhënave personali nisi me pagat e më shumë se 690 mijë personave për muajt janar 2021 dhe prill 2021, teksa u pasua edhe me publikimin e targave dhe numrave të telefonave.
Discussion about this post