Gjykata e Tiranës ka liruar nga burgu katër të arrestuarit të cilët akuzohen se publikuan pagat e mbi 690 mijë qytetarëve shqiptarë. Sipas njoftimit, katër të arrestuarit për nxjerrjen e të dhënave do hetohen me masa të buta sigurie.
Për Eni Qirjakon, specialisten e IT-së, në Drejtorinë e Përgjithshme të Tatimeve, e cila i kaloi të dhënat kolegut të saj gjykata vendosi masën e sigurisë “detyrim paraqitje “.
Ndërsa për kolegun e saj “Andi Agaraj gjykata caktoi masën “arrest shtëpie”. Ndërsa për dy përmbaruesit Klodian Sota dhe Endri Ikonomi gjykata vendosi masën e sigurisë “arrest shtëpie”. Hetimet nxorrën në pah, se të dhënat e qytetarëve shqiptarë dolën në pah vetëm për 20-30 mijë lekë.
Referuar dosjes hetimore rezulton, rezulton se të dhënat e administruara nga Klodian Sota dhe Endri Ikonomi, dy personat e punësuar në subjekte private që kanë blerë të dhënat, i kanë marrë këto kundrejt shumave nga 20 mijë deri në 30 mijë lekë përmes hardiskeve të jashtme të cilat janë vënë në dispozicion nga Andi Agaraj.
Në dosjen hetimore thuhet se specialistja e IT-së në Drejtorinë e Tatimeve, Eni Qirjako i ka dërguar specialistit të IT-së, Andi Agarajt të dhënat që lidhen me pagat e shqiptarëve përmes e-mail-it.
Transferimi i të dhënave është bërë në intervale të ndryshme kohore, nga tetori i vitit 2020 deri në shtator të vitit 2021. Qirjako është bërë pjesë e Tatimeve prej 20 korrikut 2020, ndërsa Agaraj që prej vitit 2013.
Discussion about this post