Skandali më i fundi për tenderët pa garë është regjistruar nga ARRSH, e cila ka skualifikuar pa të drejtë 14 kompani të tjera për të favorizuar kompaninë e sakndaleve. Bëhet fjalë për tenderin që kap vlerat e 267 milionë lekëve me objekt “Ndёrtim rruga lidhëse e Aeroportit Ndërkombëtar të Vlorës (VIA)- Autostrada Fier -Vlorë”, i cili është i tëri aferë korruptive.
Në dokumentin e publikuar thuhet se kanë aplikuar për të qenë pjesë e garës 15 kompaninë, por të gjitha janë skualifkuar me argumentet se, nuk kanë deklaruar drejtues teknik në licencën e shoqërisë, apo automjete për transport, po pa përmendur boshllëqe konkrete në aplikimin e tyre. Në përfundim, ARRSHH ka shpallur fituese kompaninë “Fusha sh.p.k”, e cila është shumë e njohur për skandale të tjera në lidhje me tenderat, si pjesëmarrje me mungesë dokumentacioni dhe shumë raste të tjera si ky që ka marrë tenderin pa pasur garues të tjerë.
Ndërkohë, skandali thellohet ndërsa në dokument evidentohet që kjo kompani ka paraqitur ofertën me 209. 933 125,00 lekë, pra shumë afër fondit limit. Pra këtu dalin shkeljet e ARRSH që ka dhënë pa garë tenderin në fjalë dhe ka pranuar ofertën me vlerë më të përafërt me fondin limit, çka bie në shkelje të hapur me ligjin për prokurimet publike.
Pika tjetër që ka shkelur ARRSH është se ka përjashtuar nga gara kompanitë më ofertën më të ulët dhe shpalli fituese ofertën më të shtrenjtë. 10 komani të tjera kanë paraqitur ofertat me vlera duke filluar nga 140 milionë lekë deri në 197 milionë lekë, por sërish nuk u morën në konsideratë nga ARRSH. Madje edhe 4 kompanitë e mbetura, kanë paraqitur oferta me vlerë të lartë por prap nuk kalojnë ofertën marramendëse të “Fusha sh.p.k”.
Skandalet e “Fusha sh.p.k”
Sikur e përmendëm më lartë kjo kompani është përfshirë edhe në skandale të tjera me tenderë.
Konkretisht, “Fusha shpk” ka fituar edhe 6 tenderë të tjerë duke kapur vlerën totale të rreth 20 milionë eurove për:
Bulevardi i Vlorës 1 miliardë lekë (€8 milionë)
Bulevardi i Sarandës 570 milionë lekë (€4,7 milionë)
Shëtitorja e Golemit 420 milionë lekë (€3,4 milionë)
Shëtitorja e Himarës 195 milionë lekë (€1,6 milionë)
Gjelbërimi i rrugës Levan-Kakavijë 128 milionë lekë (€1milionë)
Gjelbërimi i Parkut të Liqenit Tiranë 50 milionë lekë (€400 mijë)
Përveç 20 milionë eurove tenderë nga FSHZH, Fusha shpk rezulton fituese e madhe edhe e tenderëve në Tiranë.
Prej korrikut 2015 ajo ka fituar 38 tenderë publikë nga Bashkia e drejtuar nga Erion Veliaj me vlerë mbi 35 milionë euro. Prej këtyre punimeve më të debatuarat kanë qenë “Sheshi Skënderbej” dhe së fundmi Bulevardi Zogu I.
E.H/Gijotina.com/
Discussion about this post