9 zyrtarët e ish-zyrtarët e Ministrisë së Brendshme, të arrestuar për abuzimin me tenderin e blerjes së uniformave të Policisë së Shtetit, kanë kërkuar sot në Apelin e Gjykatës së Korrupsionit dhe Krimit të Organizuar. Mes të arrestuarve që kanë kërkuar lirinë është edhe ish-drejtoresha Agjencisë së Blerjeve të Përqendruara, Edlira Naqellari, e cila u shkarkua nga detyra një javë para se të arrestohej.
Bashkë me të kanë kërkuar lirinë dhe katër anëtarët e Njësisë së prokurimit Flutura Çekrezi, Ani Omuri, Kleivis Hasani, dhe Anisa Bogdani, kjo e fundit e lënë në masën e sigurisë “arrest shtëpie”. Po ashtu jashtë qelisë duan që të dalin edhe katër anëtarët e tjerë të Komisionit të vlerësimit të ofertave Kreshnik Bejkaj, Fatmir Demneri, Mariglen Buzali, dhe Gëzim Mingaj.
