Sherri mes dy mësuesve në gjimnazin “Andon Zako Çajupi” është konsideruar e turpshme nga prindërit. Duke e cilësuar të tillë, ata shprehen se stafi pedagogjik duhet të edukojë fëmijët, e jo të zihet në prezencë të tyre.
Konfliktin mes dy mësueseve e cilëson një veprim të ulët dhe roja i kësaj shkolle.
Mëngjesin e së hënës, mësuesja e historisë Domenika Toptani 53 vjeçe dhe ajo e Letërsisë, Elida Qenami 46 vjeçe, u konfliktuan verbalisht me njëra-tjetrën, ku për shuar sherrin ndërhynë edhe familjarët e tyre.
Zyrtarisht policia thotë se debati nisi për tavolinën në lokali ku ishin ulu përballë shkollës. Por, burimet sqarojnë për ABC se debati mes tyre ka nisur një javë më parë për menaxhimin dhe administrimin e klasave në shkollë.
Në pranga u vu 39 vjeçari Edmond Faja, ndërsa pistoletën tip TT, policia e sekuestroi në vendngjarje. Mes personave që po hetohen në gjendje të lirë është një punonjës i policisë ushtarake, Ndriçim Qefalija.
Pas ngjarjes, Zyra Arsimore Tiranë, pezulloi nga detyra të dyja mësueset.
