Deputeti i Partisë së Lirisë, Petrit Vasili, ka reaguar sërish sot në lidhje skandalin e Doganave. Ai i ka bërë thirrje SPAK që të reagojë dhe të nisë hetimet për skandalet abuzive të drejtorit të Doganave, Genti Gazheli. Përmes një reagimi në ‘Facebook’ Vasili thekson se pavarësisht shkresave zyrtare, SPAK ende pret të veprojë. Mes të tjerash Vasili shkruan se; “Edi Rama përfaqëson Ali Baben me 40 hajdute ku në çdo institucion ka nga një hajdut”.
“Denoncohet me shkresa zyrtare hajdutëria sheshit ne Dogana, o SPAK ku je, çfarë pret më? Edi Rama dhe qeveria e tij është shndërruar ne simbolin e vjedhjes dhe grabitjes se përditshme të qytetareve Dokumentet e panumërta tregojnë qarte batërdinë ne Dogana e megjithatë siç e shihni Edi Rama nuk lëviz gishtin se ka futur vete dorën dhe krahun komplet atje. O SPAK media ta ka lehtësuar krejt punën dhe ti ka nxjerre dhe zbuluar dokumentet, qe do duhet te zbuloje vete. Tani vepro ndaj hajduteve çfarë pret më”, shkruan ai.
Sipas Vasilit ne jemi një vend paradoksesh, ku qeveria tallet me popullin, ndërsa kulmi arrin kur Shefit i Anti-kontrabandës Detare nxjerr ne shesh e situatën e tmerrshme te korrupsionit në Doganat Shqiptare. Sipas tij, Përgjegjësi i antikontrabandes detare e ka njoftuar me e-mail Drejtorin e përgjithshëm të Doganave si dhe i është drejtuar edhe me një shkresë zyrtare për situatën e korrupsionit kapilar në dogana.
Discussion about this post