Ditën e djeshme, Brazili mori një fitore me shifrat 4-0 ndaj Guinesë në një përballje miqësore. Kombëtarja e “Seleçao” ishte e gjitha e veshur me një fanellë të zezë totalisht në mbështetje të prekurve nga racizmi.
Pak javë më parë, sulmuesi brazilian Vinicius Junior u ndesh me këtë fenomen në sfidën e Real Madrid ndaj Valencias. Në përfundimin e takimit të Brazilit kundër Guinesë, ylli brazilian tregoi se në këtë mbrëmje një mik i tij ishte prekur nga racizmi.
“Duart lart, kjo është arma ime për ty, i thanë mikut tim. Teksa isha duke luajtur me fanellën e zezë historike dhe isha i prekur, miku im u poshtërua dhe u ofendua në hyrje të stadiumit.
Një ngjarje e trishtë, asnjëri prej tyre nuk u besoi syve. Ishte e neveritshme. Por unë pyes përgjegjësit, ku janë pamjet nga kamerat e sigurisë?” – u shpreh Vinicius Junior.
Discussion about this post