Përgjimet e prokurorit të Kukësit, Edmond Karriqi zbuluan aferën e ish-zv/ministres Rovena Voda me punësimin e Florida Beut. Mesohet se Emirjan Beu është vëllai i Florida Beut, e reja që do të punësohej nga Rovena Voda.
Ai është i përfshirë në dosjen e Karriqit dhe gjatë hetimit, prokurorët e SPAKm kanë rënë në gjurmët e ish.zv/ministres. Hetimi nisi në vitin 2019 dhe për çudi, të dy, edhe Rovena Voda edhe Edmond Karriqi u joshën nga 2 mijë euro.
Prokurori i mori 2 mijë euro për pushimin e një çështje të disa të arrestuarve për trafik droge në Kukës ndërsa Voda i mori për të punësuar motrën e Emirjan Beut. Motër e vëlla, të dy arritën të përmbyllnin punë me shtetin dhe drejtësinë për vetëm 2 mijë euro.
Emirjan Beu u arrestua bashkë me prokurorin Karriqi pasi ndërhyri për të liruar personat e arrestuar në Kukës, kundrejt 2 mijë eurove. Vëllai i Florida Beut është biznesmen dhe ka një kompani të tregtimit të peshkut dhe një karburant.
