Propaganda e qeverisë është zhvendosur drejt Pyllit të Sodës në Vlorë. Ditën e diel, kryeministri Rama është vendosur në qytetin bregdetar nga ku fajësoi Dritan Lelin se ky i fundit nuk po e bën punën siç duhet. Vetë kryeministri vendosi t’i jepte një leksion atij duke i treguar se si pastrohet vendi.
Me qindra të rinj, anëtarë të Partisë Socialiste dhe punonjës të institucioneve u vendosën për heqjen e mbeturinave. Sipas burimeve, bëhet fjalë për një urdhër i cili ishte dhënë se të gjithë duhet të ishin të pranishëm e të shoqëronin kryeministrin gjatë pastrimit.
Rama u filmua me thasët e zinj në duar, madje pa dorashka mblidhte bidonët, plastikët e ndryshme apo dhe inertet. Përgjatë ditës së djeshme u duk se Pylli i Sodës u bë dritë, por si është gjendja e pyllit vetëm pak orë më pas?
Ajo që u transmetua në të gjitha mediat ishte veç propagandë e qeverisë. Siç duket në videon e publikuar nga Gijotina.com pastrimi është bërë sa për të postuar pamje në rrjetet sociale e asgjë tjetër. Duket qartë që mbetjet janë ende mes pemëve, inertet e ndryshme, pjesë të automjeteve apo dhe paketime ushqimesh.
Pavarësisht kritikave ndaj kryebashkiakut të Vlorës, duket se dhe vetë kryeministri ka bërë të njëjtat veprime, “show” para kamerave dhe më pas gjendja mbeti po e njëjtë.
Discussion about this post