Ndonëse kryeministri Edi Rama propagandon vazhdimisht se një ndër prioritet e tij në këtë mandat, është arsimimi i fëmijëve, të kundërtën tregojnë veprat.
Qeveria Rama njihet për skandalet në arsim, ku së fundmi fëmijët në shkollën “Rexhep Kothere” në fshatin Kuman të Roskovecit janë të detyruar të mësojmë me “këmbët në ujë”. Edhe pse e rikonstruktuar vetëm 5 vite më parë, reshjet e ditëve të fundit kanë bërë që shkolla të përmbytet nga uji.
Pamjet që ka siguruar Gijotina.com tregojnë të kundërtën që paraqet qeveria Rama, ku shihet fare mirë se qeveria refuzon të investojë në arsim, por zgjedh tenderat dhe koncensionet. Nga pamjet shihet ujë në çdo cep të shkollës, tavane të lagura dhe dyer e dritare të hapura.
Akoma më shqetësues është fakti që ende nuk është marrë asnjë masë për zgjidhje e situatës, dhe nuk ka pasur asnjë reagim nga institucioni në fjalë apo përfaqësues të qeverisë.
Ministrja e Arsimit doli para dita ditësh duke trumbetuar me të madhe unifikimin e abetares në trojet shqiptare, por refuzon të shohë që fëmijët në vend janë të detyruar të mësojnë në kushte çnjerëzore, jo vetëm në rastin e Roskovecit, por dhe në shkolla të tjera.
Discussion about this post