Deputetja e Partisë Demokratike, Albana Vokshi ka denoncuar se pyetjet e testit të vlerësimit për mësuesit parauniversitare kanë dalë një ditë para provimit për të favorizuarit me porosi të ministres Evis Kushi.
Vokshi ka publikuar një denoncim nga një mësuese në Elbasan, e cila ka dërguar me dokumente pyetjet e provimit që i kishte shpërndarë drejtori i shkollës një ditë para provimit në Tiranë. Sipas mësueses, të gjitha ishte nxjerrë me porosi të ministres së Arsimit, Evis Kushi, për personat e saj të afërm.
“Skandali!! Mësuesja në Elbasan denoncon skandalin me provimin e Vlerësuesve të Arsimit Parauniversitar që do të zhvillohet sot në orën 14.00 në Tiranë në shkollën Sabaudin Gabrani. Dalin pyetjet me porosi të Ministres Evis Kushi që të certifikohen të njohurit e Ministres dhe militantet e partisë….. Ky është “vetëreformimi” në arsim për të cilin foli Kryeministri Rama dje në Asamblenë e PS”, shkruan Vokshi.
Ndër të tjera, Vokshi shkruan se provimi supozohet që të zhvillohet sot në orën 14.00 në Tiranë në shkollën “Sabaudin Gabrani”.
Discussion about this post