Bledar Jambelli allias Rikardo Muho, porositësi i vrasjes së Komisar Artan Cukut, rezulton të jetë pajisur me identitet grek fals nga grupi kriminal që u ndryshonte identitetin kriminalëve shqiptare me qëllim që t’i shmangeshin drejtësisë. Bledar Jambelli kishte siguruar në Xania një kartë identiteti dhe pasaportë greke në emrin Xristos Xamkidis.
Rikardo Muho, që për policinë greke, e kishte të shtrirë veprimtarinë kriminale në Spanjë dhe Greqi, në prill 2020 është marrë në pyetje nga policia greke ku ka dhënë informacion të vlefshëm lidhur me grupin kriminal të falsifikatorëve. Sipas tij, kishte paguar 35 mije euro për të ndërruar identitet dhe këtë e kishte bërë me qëllim që mos të ekstradohej në Shqipëri por të qëndronte pranë familjarëve të tij që ndodhen në Greqi.
Shqiptari me pseudonimin Rikardo Muho, me veprimtari në Spanjë e Greqi, u shoqërua në prill 2020 me urdhër të Prokurores së Pireut për një çështje te madhe kontrabandë cigaresh. Shkaku që Muho u thirr ishte fakti që me identitetin e rreme të Muhos, pjesëtarë të grupit kishin hapur AFM (Nipt) për një kompani të përfshirë në kontrabandë cigaresh. Muho atëherë ishte ende në qeli, i akuzuar si porositës i vrasjes së oficerit të policisë, Artan Cuku. Deri në arrestimin e tij në 2018, Muho jetonte në Athinën me kartë identiteti dhe pasaportë me emrin Xristos Xamkidis. Dokumentet fals ishin siguruar për 35 mije euro.
Madje në shkrim thuhet që Marius Diamanti nga Delvina që u vra në Athinë, mbante kontakt me drejtuesin e grupit të falsifikatorëve deri 2 muaj para se të vritej.
Discussion about this post