Në mbledhjen e Komisionit të Sigurisë, deputetët e Partisë Demokratike kërkuan të dinin se kush është zv/kryeministri i përfshirë në përgjimet e Rezart Taçit.
Deputeti i Partisë Demokratike, Ferdinand Xhaferaj kërkoi që socialistët të bëjnë transparencë për emrin e zv/kryeministrit që është përfshirë në përgjimet me Taçin. Nga ana tjetër, Naço tha se Xhaferaj e ka adresuar pyetjen gabim, pasi për më shumë informacione mund ta marrë në SPAK.
Ferdinand Xhaferaj: Doja të pyesja kryetarin e Komisionit të Sigurisë se kush është emri i zv/kryeministrit që akuzohet se ka dalë në përgjime me Rezart Taçin, sepse Braçe dhe Ahmetaj bëjnë lojëra fjalës jo jam unë, jo s’jam unë, doja të dija a ka një emër konkret për këtë përgjim?
Nasip Naço: Për zv/kryeministri mund t’i drejtohet SPAK-ut, nuk merret drejtori me përgjimet, drejto pyetjen aty ku duhet.
Ferdinand Xhaferaj: Braçe ka nxjerrë datat kur ka qenë zv/kryeminsitër, për çfarë i ka bërë publike ai, bëni transparencë. Mbani përgjegjësi, transparenca iu mungon ju të rilindjes.
Nasip Naço: Adreso pyetjen aty ku duhet, nëse drejtori ka informacion më të detajuar ta thotë, unë nuk di çfarë të them.
Kujtojmë që, për skandalin në fjalë ka pasur një përplasje në Kuvend mes ish-kryeministrit Erion Braçe dhe deputetit Ervin Salianji, pasi ky i fundit e akuzoi si të përfshirë në përgjimet për ish-bosin e naftës Rezart Taçi.
Discussion about this post