Mjekët e akuzuar për skandalin te spitali Onkologjik do të dalin të mërkurën para Gjykatës kundër Korrupsionit dhe Krimit të Organizuar.
Mjekët e akuzuar për korrupsion dhe kontrabandë me medikamentet mjekësore do të dalin para gjykatës së posaçme për rivlerësimin e masave të sigurisë.
Ndërkohë SPAK ka kërkuar informacion nga bankat dhe hipotekat për pasuritë dhe asetet e mjekëve në kuadër të hetimit pasuror.
Ky hetim ndiqet nga prokurori Elvin Gogaj.
Mjeku Edmond Gashi, ndodhet në masën e sigurisë “Arrest shtëpie”, Emiljano Lela, koordinator pranë Spitalit Onkologjik, i akuzuar për veprën penale të “Shpërdorimit të detyrës” ka si masë sigurie “Detyrim Paraqitje”. Alketa Ymeri (Pere), mjeke pranë Spitalit Onkologjik e akuzuar për veprën penale të “Shpërdorimit të detyrës” ka si masë sigurie, “Detyrim paraqitje”.
Brikena Qirjazi, zv/Drejtoreshë në QSUNT e ngarkuar me detyra për shërbimin onkologjik e akuzuar për veprën penale të “Shpërdorimit të detyrës” ka si masë sigurie “Detyrim Paraqitje”.
Halil Gashi, i akuzuar për veprën penale të “Fshehjes së të ardhurave” ndodhet në masën e sigurisë “Detyrim paraqitje”.
Florian Marku i akuzuar për veprën penale të “Tregtimi dhe transportimi i mallrave që janë kontrabandë” dhe “Ruajtja ose depozitimi i mallrave që janë kontrabandë” ndodhet në masën e sigurisë “Arrest në shtëpi”.
Discussion about this post