Tre sportiste të mitura në Selanik kanë paraqitur një kallëzim në polici duke pretenduar se trajneri i tyre i ka ngacmuar seksualisht.
Sipas provave të mbledhura nga policia greke (ELAS) për të ngritur çështjen ndaj 37-vjeçarit, trajneri ka dhunuar “në mënyrë të përsëritur” tre të miturat, dy 15-vjeçare dhe një 16-vjeçare.
Sipas një deklarate të lëshuar nga ELAS, 37-vjeçari, i cili punon në një klub të arteve marciale në Selanik, i ka bërë edhe të miturat të shikojnë pornografi.
Veprimet e 37-vjeçarit dyshohet se kanë ndodhur nga marsi i vitit 2022 deri në qershor të këtij viti, pas një denoncimi për abuzim të të miturve, përdhunim të të miturve dhe akte seksuale me të mitur.
Discussion about this post