Prej më shumë se 24 orësh mijëra abonentë të kompanisë ONE vazhdojnë të hasin probleme me shërbimin telefonik.
Ditën e djeshme, që prej mesnatës, sinjali telefonik dhe të gjitha shërbimet e tjera të “ONE” ishin jashtë funksionit. Ndonëse, kanë kaluar më shumë se 24 orë i njëjti problem vazhdon dhe ONE ka lënë mijëra qytetarë në terr.
Shërbimi nuk është rikthyer, madje qytetarëve i është hequr edhe e drejta për t’u ankuar në shërbimin e klientit. Kjo pasi numri “123” i vendosur në dispozicion të abonentëve këtë të premte del që nuk ekziston.
Për të hequr qafe abonentët e nervozuar nga kjo situatë e paprecendetë, ONE ka gjetur një tjetër zgjidhje. Kompania celulare ka përgatitur një mesazh të gatshëm dhe jua ka shpërndarë dyqaneve.
Më poshtë, është një prej këtyre mesazheve:
“Ju lutem nese paraqiten kliente te cilet kan patur probleme me sherbimin (data, Voice) ju lutem ndihmojini te kalojne mga 4G ne 3G perkohesisht do te perdorni script si me poshte:
Faleminderit per sinjalizimin.
Per te permiresuar sistemet tona jemi duke kryer disa nderhyrje teknike, dhe perkohesisht duhet te kaloni telefonin me 3G. Tju kerkojme ndjese per çdo shqetesim qe po hasni, por ju sigurojme qe shume shpejt eksperienca juaj do te permiresohet. Ju faleminderit per mirekuptimin!”
Janë bërë më shumë se 8 muaj me këtë problematikë të kompanisë celulare, që ka në dorë numrat e më shumë se 1.4 milionë shqiptarëve, duke cënuar seriozisht të dhënat personale të abonentëve dhe sigurinë kombëtare të vendit.
Discussion about this post