Kryetari i Bashkisë Tiranë Erion Veliaj duket se nuk po e ndjen krizën që po e vuan çdo shqiptar dhe jo vetëm në blerjen e karburantit. Teksa këmbana e alarmit kanë rënë në shumë vende dhe shumë qytetarë ankohen vazhdimisht për rritjen e vazhdueshme të çmimit të karburantit, lali Eri zgjedh të blejë Gazoil dhe benzinë për dy vite. Kjo blerje e Veliajt jo vetëm që nuk redukton shpenzimet nga institucioni i tij në këtë krizë që ka mbërthyer vendin, por madje blen karburant për automjetet e tia dhe vartësve të tij për 24 muaj. Në tenderin e publikuar saktësohet se Veliaj do të harxhojë plot mbi 28 milionë e 400 mijë lekë pa TVSH. Blerja e karburantit pa TVSH nënkupton se Veliaj do të blejë karburantin me çmim pakice, duke shtuar akoma më shumë shpenzimet. Saktësisht ndarja e kontratës në dy lote, ku njëri ka si objekt blerjen e karburantin për automjete Diesel (Gazoil) me fond limit mbi 26 milionë lekë pa TVSH dhe blerje karburanti për automjete Benzinë pa plumb me fond limit mbi 1 milionë e 780 mijë lekë. Referuar tregut Veliaj do të paguaj mesatarisht 195 lekë/litër për Diesel (Gazoil) dhe mesatarisht 190 lekë/litër për benzinën pa plumb, pra aq sa paguan çdokush që blen karburant me çmim pakice.
Nga të dhënat e marra nga bursa “PLATTS”, referuar tregut aktual dallohet rritja e çmimeve si pasojë e krizës së karburantit, me të cilën bota po përballet. Benzina ka arritur në vlerën 672$/Ton, ndërsa Gazoil 623 $/Ton. Ndërkohë për çdo ton karburant çmimeve iu shtohet vlera prej 30 $/Ton. Këto të dhëna janë dëshmi e kulmit të krizës së karburantit që pasqyrohet në rritjen maksimale të çmimeve në bursë, por janë po ashtu dëshmi e shpërdorimit të buxhetit pa asnjë kriter nga lali Eri, i cili mesa duket po “furnizon motorët” për gjithë mandatin e tij, të cilët do shërbejnë në emër të propagandës, për t’i paraprirë zgjedhjeve të ardhshme.
Discussion about this post