Paratë e Rozeta Dobit nuk kanë fund! Dosja hetimore tregon se në emër të pastrueses Rozeta Dobi janë gjetur llogari bankare me shumë të konsiderueshme parash, të cilat pritet të bëhen publike shumë shpejt.
Burimi i tyre, njësoj si me shumat e tjera që i janë sekuestruar deri më tani, dyshohet të jetë vjedhja në banesat e zyrtarëve ku Dobi ishte punësuar.
Nuk dihet nëse edhe në rastet e tjera ka pasur bashkëpunëtor të birin, Havier, si në shtëpinë e zyrtares Alda Klosi.
Rozeta Dobi u la në burg sot bashkë me djalin Havier Dobi. Vetëm dy ditë më parë u zbulua një megavjedhje ku Rozeta Dobi, pastruese bashkë me të birin, Havierin vunë në shënjestër dhe vodhën mbi 540 mijë euro, plus një sasi të konsiderueshme florinjsh dhe sendesh me vlerë.
Banesa që solli zbulimin e dyshes ishte ajo e këshilltares në Kryeministri, Alda Klosi, njëherazi ish-shefe e Kabinetit të ish-ministrit të Rindërtimit, Arben Ahmetaj. Ata vodhën te shtëpia e Klosit 120 mijë euro lekë dhe florinj. Por kjo vjedhje ka shërbyer si një shkëndijë për një tjetër çështje.
Atë të burimit të parave të vjedhura. Në dëshminë e saj për mediat, Klosi thotë se paratë i kishte mbledhur për kurimin e xhaxhait ndërsa për to nuk ka asnjë faturë.
Discussion about this post