Pamjet dhe fotot nga Irpin, qytet 20 km nga Kievi, ku shiheshin civilët që përpiqen me dëshpërim të arratisen sot mes bombardimeve, kanë bërë ditën e sotme xhiron e mediave botërore. Qyteti është duke u goditur nga sulmet e artilerisë dhe nga ajri, sepse kjo është dhe rruga ku shkohet më lehtë në Kiev.
Gazetarja e BBC News ukrainase Victoria Prisedskaya bëri me dije se babai i saj ishte një ndër ata persona që ishte përfshirë në kaosin e madh që u regjistrua gjatë evakuimit në Irpin.
“Babai im e bëri këtë foto dje nga dritarja e banesës së tij në Irpin, një qytet piktoresk i fshehur në pyjet pranë kryeqytetit ukrainas. Ata u vendosën atje vetëm një vit më parë, pasi kishin ndërruar shumë banesa me qira gjatë shtatë viteve të mëparshme. Ata ishin emigrantë si të thuash, se erdhën nga rajoni lindor i Donbasit, një pjesë e të cilit kontrollohet nga separatistët e mbështetur nga Moska që nga viti 2014.”, tha ajo.
Kur Rusia pushtoi Ukrainën më 24 shkurt, atyre iu desh të iknin nga një luftë e dytë. Pas disa ditësh sulmesh ajrore të vazhdueshme në zonën e banuar të qytetit, ata morën një vendim të vështirë për t’u evakuuar.
Përveç se evakuimi nga Irpin ishte tashmë i rrezikshëm për jetën. Ura në rrugën pranë qytetit u hodh në erë për të ndaluar avancimin e tankeve ruse dhe njerëzit duhej të kalonin lumin nën urë, e cila rrezikon të bjerë në çdo moment.
“Ndërsa po vraponim përgjatë rrugës drejt makinave të vullnetarëve që na prisnin, ne ishim të granatuar vazhdimisht,”, i kishte rrëfyer babai gazetares. “Dëgjuan shpërthime kudo dhe ushtarët ukrainas i bërtisnin të binin përtokë. Prindërit e mi ishin të lumtur që arritën të sigurt në Kiev, ku tani shpresojnë të gjejnë një makinë ose të marrin një tren për të ikur më tej në Perëndim. Sërish nuk kanë shtëpi, vetëm dy çanta shpine të vogla me gjërat e nevojshme.”, përfundoi gazetarja.
Discussion about this post