U rrëzua nga skela në Teqenë e Koshtanit, 45-vjeçari në gjendje kritike për jetën

Një 45-vjeçar ka mbetur i plagosur rëndë pas një aksidenti në vendin e punës në Teqenë e Koshtanit, në Bashkinë Memaliaj.

Sipas informacioneve paraprake, Edison Pata dyshohet se ka humbur ekuilibrin teksa punonte në skelë dhe ka rënë nga një lartësi rreth 13 metrash, duke pësuar dëmtime serioze.

Menjëherë pas ngjarjes, ai është transportuar me autoambulancë drejt Spitalit Rajonal të Gjirokastrës për trajtim të specializuar. Mjekët bëjnë me dije se gjendja e tij shëndetësore paraqitet kritike dhe me rrezik për jetën.