Agjencia për Zhvillim Bujqësor dhe Rural ka njoftuar se në skemën e përfitimit financiar për masën 3 shtohen edhe 70 fermerë, duke çuar në 588 numrin total të përfituesve.
Sipas të dhënave zyrtare, janë 3000 fermerë të kualifikuar deri tani përfitues për njërën nga 9 masat që mbështet Skema Kombëtare e këtij viti, ndërsa AZHBR njofton herë pas here për uljen e vijës në listën e përfituesve për secilën masë, që do të thotë rritje e numrit të fermerëve përfitues të këtyre fondeve
“Është shtuar edhe me 70 fermerë, numri i aplikantëve përfitues në masën “zëvendësim plasmasi në sera ekzistuese” të Skemës Kombëtare të Mbështetjes në Bujqësisë dhe Blegtori 2021. Agjencia për Zhvillim Bujqësor dhe Rural njofton uljen e vijës së financimit për aplikimet në masën 3 mbështetëse të Skemës Kombëtare.
Për masën 3: Zëvendësim plasmasi në serra ekzistuese – Vija e financimit ishte në numrin rendor 518 dhe pas uljes së vijës së financimit përfshihen në fond aplikimet deri në numrin rendor 588”, thuhet në njoftim.
Përmes Skemës Kombëtare të Mbështetjes për Bujqësinë 2021, fermerët përfitojnë subvencionim të TVSH-së për plastmasin që përdorin në serra për prodhim bujqësor.
Sipas AZHBR-së, deri tani pagesat janë dhënë për mbi 90 % të fermerëve përfitues. Skema Kombëtare e Mbështetjes në Bujqësi 2021, ka adresuar një fond prej 804 milionë lekë, subvencione për fermerët.
E.H/ gijotina.com
