Drejtoresha e Përgjithshme e Agjencisë Kombëtare të Shoqërisë së Informacionit (AKSHI), Mirlinda Karçanaj, në një dalje për mediat është shprehur se qëllimi kryesor i sulmit kibernetik në E-albania ishte fshirja e sistemeve qeveritare. Qëllimi ishte fshirja e të gjithave sistemeve kritike qeveritare së bashku me të dhënat. Pavarësisht se sulmi i shte në një shkallë të lartë sofistikimi, sistemet u verifikuan një e nga një, falë bashkëpununimit me aleatë dhe stafit të AKSH-it të cilët nuk kanë vënë gjumë në sy, 98 përqind e sistemeve online janë të aksesueshme. “-tha ajo.
Zv. Kryeministrja dhe drejtoresha e AKSHI-t thanë se gjithçka po kthehet në normalitet, nuk pati asnjë humbje të dhënash. Drejtoresha Karcanaj tha se mbi 98% të shërbimeve janë tashmë funksionale.
Drejtoresha e AKSHI-t tha se një pjesë shumë e madhe e shërbimeve online në e-Albania u rikthyen vetëm pak ditë pas sulmit, duke bërë të mundur kështu që qytetarët të marrin dokumentet online. Pas rikthimet të e-Albania kanë nisur regjistrimet edhe për klasat e para dhe të dhjeta.
Më tej, Balluku tha se një nga aleatët e tyre për të rikthyer situatën në normalitet pas sulmit ishte dhe FBI dhe Microsoft.
‘Ky është komunikimi parë pas agresionit masiv. Sot jam me drejtoreshën e AKSHIT dhe me përfaqësues të Microsoft-it. Ky agresion është një luftë e mirëfilltë
Do monitorojmë situatën. Sistemet po rikuperohen dhe po kthehen në normalitet. Vigjilenca jonë është maksimale.
Dje, ka patur një takim tjetër të komitetit për mbrojtjen kibernetike. U lanë detyra për të gjithë aktorët e fushës dhe janë marrë vendime për bashkëpunime me Microsoft por edhe FBI që na dha mbështetjen që ditën e parë apo dhe shërbime të tjera inteligjente’-tha Balluku.
Discussion about this post