Paraditja e te premtes do të gjejë përballë Këshillit për Rregulloren, dhe Imunitetin jo një por disa prokurorë të SPAK të cilët do të ngulmojnë në marrjen autorizim për arrestimin e Belinda Ballukut.
Burime nga kuvendi i thanë gazetarit të Top Channel, Muhamed Veliu, se SPAK krahas prokurorit të çështjes Dritan Prençi pritet që në krah të tij të jetë edhe kreu i ri i SPAK, Klodian Braho, bashkë me prokuroren Dorina Bejko.
Kjo do të thotë se ditën e parë në detyrë Klodian Braho e nis me një betejë të fortë në këtë këshill ku do të argumentojnë përse duhet të arrestohet numri dy i qeverisë.
Nderkohe, Kuvendi vendos për përjashtimin e deputetëve të PD, 1 orë para seancës për mandatin e Ballukut.
Pas kërkesës së Grupit Parlamentar të PS-së për masë disiplinore për 29 deputetë të PD-së për situatën e krijuar në Kuvend, për të marrë vendimin ditën e nesërme do të mblidhet Sekretariati për Procedurat, Votimet dhe Etikën.
Sekretariati i Etikës do të mblidhet rreth një orë përpara mbledhjes së Këshillit të Mandateve, ku do të shqyrtohet kërkesa e SPAK për heqjen e imunitetit të ministres Belinda Balluku.
Pjesë e Këshillit të Mandateve janë edhe pesë deputetët demokratë, për të cilët është kërkuar masë disiplinore.
Ata janë Elda Hoti, Gazment Bardhi, Gent Strazimiri, Oerd Bylykbashi dhe Saimir Korreshi, për të cilët nëse merret masë ndëshkimore nuk marrin dot pjesë në mbledhjen e Këshillit të Mandateve, ku do të shqyrtohet kërkesa e SPAK për heqjen e imunitetit të ministres Belinda Balluku. Tashme kuptohet se ka nje skenar te dy paleve per ta bllokuar Keshillin e Mandateve duke mos arritur kuorumin.
gijotina.com/
Discussion about this post