Një 24-vjeçar është rrëmbyer gjatë ditës së djeshme në lagjen “Tasligje” të Prishtinës, nga katër të rinj. Të dyshuarit, dy vajza nga 19 dhe 20-vjeç dhe dy djem nga 20 dhe 21-vjeç të cilët e kishin përgatitur me detaje planin për rrëmbimin e të riut, i cili i parapriu një sulmi me thikë.
Viktima fillimisht ishte kontaktuar përmes rrjeteve sociale nga dy të dyshuarat, të cilat kanë ndihmuar që i riu të rrëmbehet. Dy të rejat pasi kishin komunikuar me 24-vjeçarin, e kanë marrë me një makinë BMW, për ta dorëzuar më pas te një makinë tjetër.
Vajzat dyshohet se ndihmuan në rrëmbimin e 24-vjeçarit, duke e dërguar në rrugën “Hil Mosi”, aty ku e prisnin dy të dyshuarit e tjerë, që e futën në një makinë “Golf 7”.
Rrëmbimit i parapriu një sulm me thikë ndaj viktimës, që dyshohet se u bë me plan që i riu të futej me forcë në makinën e të dyshuarve.
Policia është njoftuar për rastin pak minuta pasi ka ndodhur ku menjë është dërguar një njësi policoreku nnjë njësi policore vendngjarje, ku ka pasur edhe arrestime.
Automjeti i dyshuar BMW është zbuluar dhe në të janë gjetur dy të dyshuarat B.B dhe S.D., të cilat janë prangosur dhe më pas është bërë identifikimi edhe i dy të dyshuarve të tjerë A.H dhe L.G.
Vajzat e dyshuara pasi ranë në prangat e policisë u dërguan në stacion policor për të dhënë deklaratat e tyre në lidhje me ngjarjne. Ndërsa, me urdhër të prokurorit janë zhvilluar edhe kontrolle.
Kontrolle janë kryer në banesën e të dyshuarit A.H., ku as ai e as personi i rrëmbyer nuk janë gjetur në atë vendndodhje. Edhe i dyshuari tjetër L.G, nuk është gjendur në shtëpinë e tij, pas kontrollit nga zyrtarët policorë.
Por ky i fundit, është paraqitur vet në stacion policor, ku është marrë në pyetje dhe më pas me urdhër të prokurorit të Krimeve të Rënda është dërguar në mbajtje për 48 orë.
Discussion about this post