Deputeti i Partisë Demokratike, njëkohësisht një nga mbështetësit më të mëdhenj të ish-kryeministrit Sali Berisha, Luçiono Boçi ka qenë gjithashtu i pranishëm në Kuvendin e 11 dhjetorit.
Boçi deklaroi para mediave se shkarkimi i Lulzim Bashës do të bëhet me procedurë dhe njëjtë do të procedohet dhe me largimin e tij. Deputeti demokrat e konsideroi Kuvendin e datës 18 dhjetor si nul, pasi sipas tij, Basha nuk do të jetë më kryetar dhe nuk mund të thërrasë Kuvendin.
“Jo nuk do të ketë marshim, skenarë të tillë janë imagjinarw. Po vazhdohet me procedura të rregullta me qëllim që dhe largimi të jetë procedural dhe jo me skenarë. Janë anonçuar për të prishur këtë atmosferë. Ishte e drejta e kryetarit ta thërriste Kuvendin sipas statusit. Nëse ai rezulton i shkarkuar, bie vlera e 18 dhjetorit, siç ka thirrur Kuvendin. Në çdo bashki dhe pjesa tjetër thashë se Kuvendi i 18 është në pikëpyetje për shkak të votimit, nëse rezulton i shkarkuar Basha, s’ka vlerë Kuvendi i 18 dhjetorit. Komisioni nuk është komisioni marrës i PD, por komisioni që do të merret me procedurat e organizmit të zgjedhjeve për drejtuesit e PD, për të gjitha strukturat. Mos t’i ngatërrojmë gjërat. Votat janë 50 plus 1”, tha Boçi.
Discussion about this post