Mjeku i njohur Skënder Brataj ka reaguar ashpër ndaj teorive që qarkullojnë mbi vaksinat. Ai shprehet se ata që hedhin akuza të tilla pretendojnë se e njohin mjekësinë më mirë se vetë mjekët.
Ndalur tek eksperienca personale, Brataj shton se ka rrezikuar jetën e tij në betejë me virusin dhe vazhdon ta rrezikojë për shkak të profesionit që ka zgjedhur dhe këtë nuk ia ka këshilluar as Soros, Bill Gate, apo politika
.Ai thotë se ai dhe familjarët e tij janë vaksinuar duke ironizuar akuzat për propagandë për injektimin e vaksinës. Brataj nënvizon se mjekët kanë përgjegjësi për profesionin e tyre dhe mjekësinë e bëjnë se besojnë në shkencë, e dua dhe duan të mbrojnë edhe jetën.
Ai i kërkon “konspiracionistëve të mos fusin hundët në punën e tyre ndërsa i kërkon ndihmë prokurorisë dhe institucioneve përkatëse për të ndaluar përhapjen e gënjeshtrave, terrorit, panikut dhe pasigurisë.
Statusi i plotë i Skënder Bratajt
KUR INJORANCA NUK NJEH KUFIJ!! MJEK KU JENI? Në punën tonë i fusin hundët politikanët, gazetarët, konspiracionistët, injoranca, të ashtu quajturit mjek popullor abuzivë, mediat, prokuroria, gjykata etj! Ne jemi heronjtë e të kaluarës, ne jemi viktimat e përherëshme, ne jemi të korruptuarit, ne jemi shërbëtorët, ne jemi të betuarit e Hipokratit, ne jemi të detyruar të shërbejmë se na paguajnë, ne jemi të detyruar se të gjithë ata paguajnë taksat! Ne ofendohemi, pështyhemi, qëllohemi, burgosemi, dënohemi me ose pa prova! Ne a paguajmë taksa? Ne ku i fusim hundët? Ne ku jemi? Mbrëmë në darkë duke xhiruar kanalet televizive, çfarë të shikoje?
