Mbyllet përballja mes Partizanit dhe Skënderbeut, ndeshje kjo e vlefshme për javën e 11-të në Superligën Shqiptare me rezultatin 2-1.
Ky takim u zhbllokua në minutën e 14’ falë golit të Rrapaj që dërgoi skuadrën e Ilir Dajës në avantazh, por korçarët do të reagonin menjëherë me golin e Mensah në minutën e 14’ duke barazuar gjithçka.
‘Të kuqtë’ e kryeqytetit do të reagonin sërish me Carën, gol ky i kontestueshëm, por duhej ndërhryja e sistemit VAR që të qartësonte gjithçka, që e quan të vlefshëm, me të kuqtë që kalojnë në avantazh në pjesën e parë me rezulatin 2-1.
Pjesa e dytë ishte më e qetë, por do të veçoheshin vetëm dy raste, ku Skënderbeu arrin të shënojë, por devijimi i topit me dorë nga Uerdi Mara, do të bënte që kryesori i ndeshjes ta quante ate të pavlefshëm.
Sërish Skënderbeu do ti rrezikonte triumfin kryeqytetasve, duke arritur të fitojë një penallti Partizanit që u godit nga Jorgo Meksi. Portieri Teqja arrin ta grushtojë këtë goditje, duke bërë që i gjithë kampi i kuq të ‘shpërthejë’ në festë me shifrat rezultate të takimit që mbyllen në 2-1, duke i dhuruar Partizanit tre pikët e arta në ‘Air Albania’.
Discussion about this post