Këtë fundjavë Skënderbeu priti në Korçë Partizanin, në ndeshjen e vlefshme për javën e dytë të Kategorisë Superiore.
Duhet të kujtojmë që të dyja skuadrat vinin nga humbjet në takimet e javës së parë, dhe kjo është arsyeja pse kjo pjesë e parë ishte e luftuar nga të dyja anët.
Që në minutat e para Partizani sulmon për të krijuar avantazhin por pa mundur të finalizojë rastet, që kulmuan në minutën e 12’, me goditjen e dënimit nga Musta, por portiere Rexhepi bën detyrën duke e devijuar jashtë rrjete.
Rastet e tjera nuk munguan nga dy skuadrat, por pjesa e parë mbyllet në barazim pa gola.
Pjesa e dytë do të tregonte se skuadrat kanë ende për të dhënë shumë, ku në minutën e 56 Stenio Zhunior do të shënonte për kryeqytetasit, por festa e tyre nuk zgjati shumë.
Skënderbeu e nis menjëherë topin, duke e gjetur ekpin e kuq të papërgatitur , dhe falë një pasimi të gjatë në zonën kundershtare, Damçevski dhe Hoxha nuk merren vesh, duke krijuar gjithë hapësirat e nevojshme për Berishën që barazon gjithçka në Korcë, me Partizanin që ndalet përsëri pas disfatës me Teutën.
