“Skëterrë” në rrugë, policia me dorë të hekurt, pezullohen 82 patenta

Policia e Shtetit ka vijuar monitorimin e pandërprerë të qarkullimit të mjeteve në vendin tonë duke ndëshkuar shoferët rebelë. Makina inteligjente dhe radarët automatikë kanë monitoruar qarkullimin e mjeteve, në aksin rrugor Thumanë-Milot-Rruga e Kombit. Në Rrugë e Kombit janë pezulluar 82 leje drejtimi dhe janë vendosur 123 masa administrative, me vlerë 40 mijë lekë të rinj, për qarkullim me shpejtësi nga 145 km/ h deri në 166 km/h. Drejtuesit e këtyre mjeteve ishin shtetas kosovarë.
“Në aksin rrugor Thumanë – Milot janë evidentuar nga patrullimet në lëvizje, 89 raste të parakalimeve të gabuara. Drejtuesit që kryen parakalimet e gabuara u ndëshkuan me masa administrative.

Janë ndëshkuar me masë administrative, 10.000 lekë të rinj secili, 12 drejtues mjetesh, për parakalime të gabuara në kthesa, me rrezikshmëri për përfshirje në ngjarje rrugore.”- njofton policia rrugore.