Agjencia Evropiane e Rojës Kufitare dhe Bregdetare (Frontex) ka kthyer 40 shqiptarë me një fluturim çarter që nisi nga Madridi, bëri ndalesë në Romë dhe më pas zbriti në Tiranë.
Frontex thotë se fluturimi u krye më 25 janar 2022 dhe ishte operacioni i parë i kthimit i iniciuar dhe organizuar plotësisht nga Frontex.
Shqiptarët kishin marrë vendimet ndaj tyre individuale të kthimit të lëshuara nga autoritetet në vendin përkatës të BE-së në të cilin ata po qëndronin.
“Agjencia ishte përgjegjëse për përcaktimin e afatit kohor, procedurat operacionale dhe, nëpërmjet Delegacionit të BE-së në Shqipëri dhe Oficerit Ndërlidhës të Frontex, për të kontaktuar autoritetet shqiptare. Në të njëjtën kohë, bashkëpunimi i shkëlqyer me autoritetet spanjolle dhe italiane siguroi suksesin e fluturimit”, thekson agjencia në njoftimin për shtyp.
“Bashkëpunimi i shkëlqyer me Republikën e Shqipërisë por edhe me Spanjën dhe Italinë ka kontribuar ndjeshëm në suksesin e këtij operacioni”, shtoi Drejtori Ekzekutiv i Frontex, Fabrice Leggeri.
Në vitin 2021, Frontex ktheu mbi 18 mijë shtetas në vendet e tyre të origjinës, për të cilet vendimet e kthimit u lëshuan nga autoritetet përkatëse. Numri shënoi një rritje prej 53 për qind krahasuar me vitin 2020 dhe një rritje prej 16 për qind në krahasim me vitin 2019, para shpërthimit të pandemisë COVID-19.
gijotina.com/
Discussion about this post