Portieri Edvan Bakaj ishte lojtari i ndeshjes Tirana-Dinamo për Kupën e Shqipërisë, e cila u fitua nga ‘Blutë’ e kryeqytetit.
Bakaj priti tre penallti, duke i dhënë kështu fitoren skuadrës së tij dhe në të njëjtën kohë duke eliminuar nga gara e kupës ‘Bardheblutë’, ndërsa edhe vetë mundi të realizonte një 11-metërsh.
Duke folur për “Gol pas Goli” pas ndeshjes Edvan Bakaj rikujtoi kohën kur luante për Tiranën dhe tha se kur stërvitej atje, penalltitë ia gjuante vetë presidenti Refik Halili.
“Të them të drejtën është penalltia e dytë që kam goditur në karrierë. Në ruletën e penalltive kam goditur edhe një herë në Kosovë me Lirinë, kur trajner ishte po Bledi Shkëmbi, por atje nuk u kualifikuam, ndërsa këtu u kualifikuam. Penalltitë më shumë sesa meritë janë fat, arrita t’ia dal edhe me ndihmën e zotit. Vinim nga një moment jo i mirë. Pavarësisht se kishim fituar ndeshjen e parë 2-0, u futëm në lojë jo vetëm për ta fituar, por edhe për të mbrojtur rezultatin. Por Tirana ka një ekip të ndërtuar për titullin dhe nuk ishte e thjeshtë. Po ju tregoj një sekret, presidenti Halili na gjuante edhe penallti në stërvitje, madje i gjuante aq mirë saqë i bënte edhe gol. Dua ta falenderoj publikisht presidentin Bardhi që është super korrekt me ne dhe jam i sigurt se do ta ngrejë Dinamon në nivelin që ka qenë dikur, ose edhe më lart”.-u shpreh gardiani i portës së ‘Nëndetëses Blu’./K.T/Gijotina.com
Discussion about this post