Emisioni “Shihemi në gjyq” ka prodhuar tensione mes Safetit, gruas së tij, Evangjelisë, por edhe ndërmjetëses Eni Çobani.
Madje kjo e fundit, ka lënë rolin e ndërmjetësueses, duke debatuar ashpër me Safetin, aq sa i është dashur Ardit Gjebras të hyjë në mes tyre, ndoshta duke parandaluar një agravim të situatës.
Gjithçka ka ndodhur pas telefonatës me nënën e Vangjelisë, zonjën Qazime, përmes së cilës u sqarua se paratë nga kontrata e qiradhënies së tokës së tyre ndaj TAP, kanë shkuar për djalin e sëmurë, Safeti vijon të jetë i nxehur.
Eni Çobani: Tani, në daç mbaje, në daç lëre!
Safet: E kam ndarë unë!
Eni Çobani: E ke ndarë, mirë e ke bërë se do shikoj unë ku do shkosh ti!
Safet: Le të rrijë atje, të vejë te e ëma, te i ati! (Shkund duart). Ka mbaruar puna!
Eni Çobani: Edhe çfarë bëre ti?
Safet: Ka mbaruar puna!
Eni Çobani: Po çfarë bëre me ato duart ashtu, çfarë bëre? Po prandaj ndahen dynjaja ore se s’mbahesh ti për burrë! S’mbahesh ti për burrë ore zotëri, nuk mbahesh për burrë!
Safet: Të ma hedhin mua ata, nuk ia pranoj!
Eni Çobani: Nuk mbahesh ti për burrë!
Safet: Ia hëngri asaj, jo mua!
Eni Çobani: Nuk mbahesh për burrë, kaq po them.
***
Safet: Kur kam ardhur me letrat e TAP-it vjet, kur kam ardhur aty nuk kam borxh unë të vete në burg për këtë!
Eni Çobani: Kërko ndjesë tani, kërkoji ndjesë asaj zonjës tani ti! (Eni Çobani ngrihet në këmbë). Kërkoji ndjesë ti tani asaj Qazimesë tani, publikisht.
Safet: T’i kërkoj unë ndjesë Qazimesë?
Eni Çobani: Jo, jo kërkoji, kërkoji. Kërkoji ndjesë, 80 vjeç!
Safet: Se më ka marrë te TAP-i… ajo më ka mashtruar!
Eni Çobani: Çfarë të ka marrë mo?
Safet: Më ka marrë te TAP-i…
Eni Çobani: Çfarë të ka marrë mo? Tek unë vjen ti këtu? Tek unë afrohesh ti këtu? Afrohu, afrohu!
(Ardit Gjebrea pozicionohet midis Eni Çobanit dhe Safetit).
Ardit Gjebrea: Këtu nuk të lejoj!
Eni Çobani: Afrohu, afrohu! Po s’jam Vangjelia unë! Jo, jo unë s’jam Vangjelia! Nuk jam Vangjelia unë ore zotëri! Toka nuk është jotja! Toka është e Vangjelisë! Vangjelisë do t’ia marr unë tokën e ty s’do të ta jap!/tvklan.al
Discussion about this post