“S’mban më ujë pilafi”, nis protesta kundër rritjes së çmimeve, qytetarët në sheshin “Skënderbej”

Ashtu siç kishin paralajmëruar, dhjetëra qytetarë janë mbledhur në sheshin ‘Skëndërbej’ për të protestuar kundër rritjes së çmimeve.

“Nuk mban më ujë pilafi’ është motoja e protestës që nisi në orën 18:00.

Pritet që qytetarët të marshojnë drejt Kryeministrisë, ndërsa u bëjnë thirrje edhe të tjerëve t’u bashkohen në kauzën e tyre.

Pjesëmarrësit në protestë do të jenë duke nisur nga studentët e duke përfunduar me moshat e treta, që kërkojnë rritje të pensioneve.

Aktivistët lajmëruan se do të nisin protestën në orën 18:00, ndërkohë që pritet që në minutat në vijim, më shumë qytetarë të mblidhen në shesh.