Orgest Drazhi, shoku i Jurgen Dukës, është shoqëruar ditën e sotme në polici për moskallëzim krimi, duke qenë së ai ishte dëshmitar në vrasjen e 29-vjeçarit në market. Sipas burimeve ai po merret sërish në pyete për të zbardhur detajet e ngjarjes, ndërsa mësohet të ketë treguar se gjithçka filloi për radhën e pagesës. Sipas Drazhit, Sula ka dashur të bëjë pagesën për disa pije që kishte blerë. Sula ka insistuar të bëjë pagesën i pari, por Duka e parakaloi dhe i vuri sendet e tij në banak Duka i tha Sulës nëse je i pari në radhë do bësh pagesën. Sula iu kthye Dukës, “s’më shikon kush jam, çfarë pagese thua? Unë të paguaj edhe pijet ty”. Më tutje, Drazhi ka treguar se shoku i tij dhe Sula kanë kaluar në ofendime personale, gjë që ka ndezur gjakrat.
Kujtojmë se, Jurgen Duka rezultonte person me disa precedent penal përfshirë përndjekjen dhe pengmarrjen. Arbër Sula ndodhej në kërkim, ai ka arritur të arratiset përmes rrugicave dhe ka dyshime se mund të fshihet jashtë Tiranës. Policia ka gjetur një gëzhojë dhe një predhë në vendin e ngjarjes, ndërsa kontrolli balistik i tyre do provojë se me çfarë arme ka qëlluar efektivi i policisë së Dibrës.
Discussion about this post