Presidenti Ilir Meta është shprehur se askush nuk mund ta shkarkojë nga posti i tij si kryetar i shtetit, pasi ky vendim është bërë nga Kuvendi i shkuar.
I ftuar në emisionin “Frontline”, Meta edhe njëherë premtoi se do të dalë në një konferencë për shtyp, ku edhe do t’u japë përgjigje vetë shqiptarëve për të 72 pyetjet e drejtuara ndaj tij.
“Nuk shkova në Gjykatën Kushtetuese, sepse kjo nuk është një çështje e rëndësishme. Unë kam shkuar në Gjykatën Kushtetuese, për çështjen e Teatrit Kombëtar, për të ndaluar dhunën policore ndaj qytetarëve. Kur është marrë vendimi nga parlamenti i mëparshëm për të shkarkuar Metën? Para apo pas 25 prillit? Pas! Me logjikë po flas. Dakord të shkarkuar vendosën që të shkarkojnë presidentin, tani nga parlamenti atëherë dhe tani, sa kanë votuar për të shkarkuar Metën? 40 janë ata që kanë mbetur. Këtyre u duhen 94 vota. A është rikonfirmuar vullneti politik? Ky Parlament a iu qëndron akuzave të bëra nga Parlamenti i shkarkuar? Për 72 pyetjet e bëra nga Gjykata Kushtetuese do përgjigjem personalisht para të gjithë qytetarëve shqiptarë.
Nuk më shkarkon dot njeri mua. Ato janë punët e tyre. Unë po iu them që 72 pyetjet në respekt të popullit shqiptar, unë do t’i lexoj pyetjet dhe përgjigjet. Të gjitha do të marrin përgjigje. Ishalla nuk futen reklamat kur të marrin përgjigje, do të jenë në shqip, anglisht dhe gjermanisht. Për çështjen e Gjykatës Kushtetuese, për legjitimitetin e saj, që mos të betoheshin të lumi i Lanës, unë bashkë me popullin e 2 Marsit dola në shesh, dhe unë tani i drejtohem popullit të 2 Marsit,”-tha në fjalën e tij Meta.
Discussion about this post