Mbledhja e radhës për Këshillin e Mandateve është zhvilluar me një sërë debatesh mes Nikollës dhe përfaqësuesve të opozitës, çka ka bërë që seanca të mbyllet shumë shpejt. PD vazhdon të këmbëngul që t’i hiqet mandati deputetes dhe ministres së Jashtme, Olta Xhaçka. Vetë ministrja nuk është paraqitur në seancën dëgjimore, por është përfaqësuar sërish nga avokati i saj, çka ka sjellë reagime të ashpra nga ana e demokratëve. Deputeti Gazmend Bardhi është përplasur me kryetaren e Kuvendit , e cila e shtyu mbledhjen për një javë, ndërsa i tha se vazhdon të mbrojë Olta Xhaçkën duke e zgjatur këtë proces 2 muaj, ndërkohë që një deputete në shkelje të Kushtetutës qëndron në Parlament.
Debatet:
Gazmend Bardhi: Ne jemi organ kolegjial dhe vendimet i marrim si organ kolegjial nuk i merr ti për ne. Ju keni dy muaj që e çoni këtë një javë e një javë e një javë ndërkohë që kemi një deputet
Lindita Nikolla: Jo nuk kemi dy muaj ne kemi aq sa na lejon rregullorja.
Gazmend Bardhi: Besoj se keni njoftuar zonjën Xhaçka dhe vetë avokatin për këtë seancë. Si ka ardhur pa u njoftuar ai. Është njoftuar nga kryetarja e Kuvendit për seancën e sotme dhe i kishim lënë një javë kohë që nëse kishte parashtrime të në i paraqiste sot.
Lindita Nikolla: Jo nuk na i paraqet dot sot ai. Dhe kushtet nuk i vendos dot ti.
Gazmend Bardhi: Po kush i vendos moj zonjë ti që do të mbrosh Olta Xhaçkën dhe ke dy muaj që e shtyn.
Lindita Nikolla: Jo mbledhjen e konsideroj të mbyllur!
Discussion about this post