Ish-presidenti Ilir Meta, aktualisht kryetar i Partisë së Lirisë i është rikthyer sërish çështjes së shpopullimit të popullsisë në Shqipëri. Përmes një postimi në Facebook, Meta shkruan se shumë familje po humbin fëmijët e tyre të mitur në emigracion.
Më tej, në postim Meta u bën thirrje popullit t’i bashkohen për të ndaluar axhendën e shpopullimit, që as një pushtues s’do guxonte ta bënte.
“Familjet po humbin fëmijët! Atdheu po humb rininë!
Nuk mund të lejojmë zbrazjen e Shqipërisë! Shumë prindër po përjetojnë sot dramën dhe dhembjen e madhe, që në mungesë të shpresës dhe kushteve ekonomike, të dërgojnë vogëlushët e mitur si emigrant në Europë.
Të bashkohemi për të ndalur axhendën antikombëtare të shpopullimit të Shqipërisë, që as një pushtues nuk do guxonte ta bënte!”, ka shkruar Meta.
Discussion about this post