Kryedemokrati Sali Berisha ka shpërndarë në rrjetet sociale me video një pjesë nga deklarata që zv/presidenti i SHBA-së, JD Vance mbajti ditën e sotme në Konferencën e Sigurisë në Mynih.
Në kritikat e tij, zyrtari i lartë amerikan theksoi dhe se liderët e europës nuk mund të fitojnë duke arrestuar apo censuruar kundërshtarët politik.
“Ju nuk mund të fitoni një mandat qeverisës duke censuruar kundërshtarët, duke arrestuar oponentët tuaj apo liderin e opozitës….as duke paditur gazetarë që raportojnë lajme!
Ne duhet të bëjmë më shumë në praktikë sesa vetëm të flasim për vlerat demokratike. Unë thellësisht besoj se nuk duhet të keni frikë nga zërat dhe opinionet alternative për atë sesi liderët po drejtojnë shtete të ndryshme evropiane. Fjala e lirë, kam frikë, se po censurohet”, ka qenë ky një pjesë i fjalimit të JD Vance.
Sipas Berishës, këto fjalë të thëna nga zv.presidenti i SHBA-ve i shkojnë Edi Ramës, më shumë se kujtdo tjetër.
Berisha e quan Ramën “kukull të George Sorosit” të cilin e akuzon se sipas tij “arrestoi 3 liderët e partive kryesore opozitare për të marrë një mandat të katërt”.
“Këto fjalë i shkojnë më shumë se kujtdo tjetër Edi Ramës, kukullës së George Sorosit në Tiranë, i cili arrestoi 3 liderët e partive kryesore opozitare për të marrë një mandat të katërt. Zoti i bekoftë Shtetet e Bashkuara të Amerikës”, thotë Berisha.
Discussion about this post