Komisioni i sotëm i Ekonomisë dhe Financave, për të diskutuar projektin e buxhetit për vitin 2023 ka nisur me debate mes opozitës dhe ministres së Financave, Delina Ibrahimaj. Kjo e fundit nuk kishte sjellë në seancë paketën fiskale, çka ka sjellë një kundërshtim nga ana e deputetes demokrate Jorida Tabaku, e cila së bashku me demokratët e tjerë kanë kërkuar shtyrje të seancës.
Ata e konsiderojnë si të pakuptimtë diskutimin për sa kohë ministrja e financave nuk kishte sjellë paketën fiskale.
Diskutimet në mbledhje:
Gjylameti: Sot ka vetëm prezantim të buxhetit, jo të paketës fiskale.
Tabaku: Ministrja nuk ka sjellë paketën fiskale. Nuk ka mbledhje pa projektligjet financiare.
Agalliu: Nuk e di sa e vërtetë është por kam informacion se paketa fiskale do të kalojë sot. Unë propozoj që debatin ta shtyjmë në momentin kur të jetë miratuar kjo paketë në mënyrë që diskutimet të kenë vlerë. Ftoj të gjithë kolegët ta spostojmë angazhimin e sotëm në momentin kur del paketë.
Nuk po ndalem nëse është ligjore apo jo por dua të kemi një tablo sa më të qartë sepse është një ligj që ndikon jetën ekonomike të vendit. Unë propozoj që seanca të mbahet pasi të miratohet paketa. Çdo diskutim tjetër do ishte në nivelin jo të duhur.
Discussion about this post