Mëngjesin e sotëm një 3- vjeçare ka ndërruar jetë në spitalin e Elbasanit. Babi i të miturës ka treguar se vajza nuk vuante nga asnjë sëmundje.
Në një deklaratë për mediet, ai tha se para 9 ditësh e kishte sjellë për vizitë te pediatri dhe ai pasi e kishte vizituar, i kishte thënë se e mitura kishte thjesht virozë. Ndër të tjera babai i 3- vjeçares thekson se mjekët nuk i kanë dhënë shkak për këtë ngjarje.
“Goca 2 vjeç e gjysmë, nuk ishte sëmurë asnjëherë. U sëmur para 8-9 ditësh. E çova për vizitë, më tha mjeku; virozë. Më dha një qese me ilaçe e ikëm në shtëpi. Dje u bë keq, filloi t’i nxihej buza. E solla në spital, i bënë dy bidonë me serum, por goca vdiq. Më kanë thënë virozë. Se di se si më iku goca. S’ja di as emrin mjeku. S’na kanë dhënë gjë për shkaqet e gocës”, tha babai.
Ngjarja ndodhi mëngjesin e sotëm. I mituri është dërguar në spital nga familjarët pasi kishte temperaturë të lartë. Grupi hetimor ka kryer veprimet e para hetimore në vendngjarje dhe pritet ekspertiza mjeko-ligjore për përcaktimin e shkakut të humbjes së jetës.
Discussion about this post