Babai i Laert Haxhiut është shprehur se ka komunikuar me djalin e tij dhe se ai nuk do t’i dorëzohet kurrë drejtësisë shqiptare, pasi asnjë nga akuzat që i janë bërë nuk janë të vërteta.
Qamil Haxhiu gjithashtu ka mohuar se i biri njihet me të penduarin e drejtësisë, Artan Tafani i cili rrëfeu dhe vrasjet e porositura nga Laerti.
Babai i të kërkuarit i ka bërë thirrje drejtësisë të nxjerrë faktet dhe provat nëqoftëse ka, dhe t’i interpretojë ashtu si duhet pa interesa të tjera.
Laert Haxhiu ndodhet aktualisht i burgosur në Janinë për veprat penale largim nga vendi i aksidentit dhe prishje e qetësisë publike.
Kërkesa e autoriteteve shqiptare për ekstradimin e tij në Gusht u rrëzua nga Gjykata e Janinës.
Discussion about this post