Teksa socialistët në Shqipëri miratuan disa muaj më parë ligjin e shumëkritikuar të legalizimit të surrogacisë, senati Italian e ka cilësuar të jashtëligjshme. Sipas senatit edhe çiftet që shkojnë jashtë vendit për të sjellë në jetë një fëmijë përmes surrogacisë vëjnë një veprim të jashtëligjshëm. Shumë aktivistë reaguan kundër reagimit, duke e quajtur këtë lëvizje si një diskriminim ndaj komunitetit LGBTI, pasi sipas tyre synon të sulmojnë partnerët e të njëjtit seks që duan të kenë fëmijë.
Sipas ligjit të miratuar, italianët që shkojnë jashtë vendit për të pasur një fëmijë nëpërmjet surrogacisë do të përballen me dënime me burg dhe gjoba deri në 1 milion euro.
Prej vitit 2022 kur Giorgia Meloni mori detyrën si kryeministrja e Italisë, ka ndjekur një agjendë konservatore ku ën thelb ka promovimin e vlerave tradicionale të familjes, gjë që ka vështirësuar procedurat për çiftet e LGBTI që duan të bëhen prindër të ligjshëm të një fëmijë përmes birësimit apo surrogacisë.
Meloni gjatë një fjalimi e quajti surrogacinë një praktikë “çnjerëzore” që i trajtonte fëmijët si produkte supermarketi.
Shumë aktivistë protestuan jashtë Senatit Italian duke shprehur zemërimin ndaj ligjit duke thënë se ky është një sulm ndaj komunitetit LGBTI dhe po dëmton ata që duan të kenë fëmijë.
Alessia Crocini, presidentja e Rainbou Families, tha se 90% e italianëve që zgjedhin surrogacinë ishin çifte heteroseksuale, por ata kryesisht e bëjë këtë në fshehtësi dhe se ky ndalim do të ketë më shumë efekt vetëm në çiftet homoseksuale pasi nuk munden ta fshehin procedurën.
Discussion about this post