Sociedad i shënon pesë gola Granadës së Uzunit

Pas tre barazimeve radhazi, Real Sociedad merr trepikëshin e parë të sezonit në LaLiga dhe këtë e bën përballë Granadës së Myrto Uzunit.

Baskët triumfuan me rezultatin e thellë 5-3 teksa miqtë nuk patën forcë për të përballuar sulmet e vendasve.

Pjesa e parë u mbyll me shifrat 2-1, ndërsa në fraksionin e dytë, Sociedad krijoi dhe e gjeti golin me lehtësi duke vulosur triumfin përfundimtar me rezultatin 5-3.

Pas kësaj ndeshjeje, Sociedad shkon në kuotën e gjashtë pikëve në vend të gjashtë, ndërsa Granada është ende me tre pikë pas tre ndeshjeve të para, në vendin e 16-të.

Vlen të theksohet se sulmuesi i kombëtares, Myrto Uzuni ishte titullar në këtë ndeshje dhe i luajti të gjithë minutat, por nuk mundi të linte shenjën e tij.