Legjenda e futbollit shqiptar Sokol Kushta shprehet i zhgënjyer nga qëndrimi i mbajtur nga tekniku brazilian i Kombëtares, Sylvinho në përfundim të ndeshjes ndaj Italisë.
I ftuar në studion e emisioni “EUROra 2024”, Kushta theksoi se deklarata e tij shfajësuese për humbjen, se në pjesën e parë Kombëtarja luajti mirë, është e papranueshme.
“Unë zakonisht jam mbështetës i Sylvinhos dhe nuk i jam përzier asnjeherë tek formacioni, sepse unë e kam thënë si shprehje se ne nuk jemi tifozë, pasi tifozët janë gjithnjë të zjarrtë.
Tifozi mund të shprehë shumë gjëra, dhe pa i kontrolluar fjalët.
Ndërsa ne specialistët duhet të mendojmë se si mund ta ndihmojmë atë trajner. Formacioni ishte baza e tij dhe mua më pëlqen kur trajneri është guximtar dhe e pranon gabimin e tij.
Dhe kur pashë një analizë të Sylvinhos, nuk e pranoj atë që të mos marrë përgjegjësinë, pasi ajo është karakteriale dhe burrërore, por të thuash që në pjesën e parë luajtëm mirë, atë nuk ia pranoj”, tha Kushta.
Discussion about this post