Gjermania ka njoftuar zyrtarisht se është duke “ngrirë” të gjitha fondet e zhvillimit për palestinezët deri në një njoftim të dytë, u tha kancelari Olaf Scholz deputetëve të parlamentit në Berlin.
“Shkalla e kësaj dispozite do të përcaktohet bazuar në një ekzaminim nëse këto projekte i shërbejnë paqes dhe sigurisë rajonale të Izraelit në mënyrën më të mirë të mundshme,” tha Soltz.
“Derisa të përfundojë ky rishikim”, vazhdoi ai , “ne nuk do t’u vëmë në dispozicion asnjë burim të ri për bashkëpunimin zhvillimor .
Soltz shtoi gjithashtu: “Për fat të keq, ne mund të presim që vuajtjet e civilëve në Rripin e Gazës të rriten – por ky është gjithashtu faji i Hamasit dhe sulmi i tij ndaj Izraelit.”
Soltz me një ton të ashpër kritikoi gjithashtu presidentin palestinez Mahmud Abbas: Heshtja e Abbas dhe Autoritetit Palestinez është e turpshme.
“Ne i dënojmë terroristët dhe themi qartë se Izraeli ka të drejtën sipas ligjit ndërkombëtar të mbrojë qytetarët e tij nga akte të tilla brutaliteti. Siguria në Izrael duhet të rivendoset dhe për këtë arsye vendi duhet të jetë në gjendje të mbrohet. Për momentin ka vetëm një vend për Gjermaninë, vendin pranë Izraelit”, vijoi kancelarja gjermane.
Solz paralajmëroi vendet në rajon që të mos shfaqin armiqësi ndaj Izraelit dhe tha: “Do të ishte gabim të sulmohej Izraeli dhe ky gabim nuk do të falet”.
Në fillim të kësaj jave, qeveria gjermane theksoi se “asnjë para nuk po i transferohet Hamasit” dhe theksoi se ndihma humanitare për palestinezët nuk duhet të ndalet.
Discussion about this post