Mbështetja për presidentit Joe Biden ka shënuar një rënie të vogël krahasuar me një muaj më parë, duke ju afruar nivelit më të ulët që nga fillimi i mandadit të tij. Administrata e tij po përpiqet të projektojë një ndjenjë stabiliteti ndërsa përballet me dështimin e një numri bankash dhe inflacionin e lartë.
Sipas një sondazhi të ri nga Associated Press dhe Qendra për Studimin e Çështjeve Publike, NORC, ka patur luhatje modeste të mbështetje për Presidentin Biden gjatë disa muajve të fundit. Në anketën e fundit, ai mori 38 për qind mbështetje, në atë të muajit shkurt 45 për qind dhe në atë të janarit 41 për qind.
Mbështetja për punën e Presidentit Biden arriti në nivelin më të ulët të mandatit të tij korrikun e vitit të kaluar, me 36 për qind mbështetje, për shkak të ndikimit që rritja e çmimit të karburantit, ushqimeve dhe kostot e tjera kishin mbi familjet amerikane.
Në muajt e fundit, mbështetja për punën e Presidentit Bidenit ka qenë në shifrat mbi 40 për qind.
Demokratët nën moshën 45 vjeç ndihen më pak pozitivë për Bidenin. Vetëm 54% e miratojnë drejtimin e presidentit për ekonominë, krahasuar me 72% të demokratëve më të vjetër se 45 vjeç. Në mënyrë të ngjashme, vetëm 66% e demokratëve nën moshën 45 vjeç miratojnë punën e Presidentit Biden në përgjithësi, krahasuar me 85% të demokratëve më të moshuar.
Vetëm rreth një e katërta e amerikanëve mendojnë se ekonomia kombëtare është mirë ose se vendi po shkon në drejtimin e duhur, tregon sondazhi. Këto shifra gjithashtu kanë luhatur vetëm pak gjatë muajve të fundit.
Discussion about this post